សកម្មជនដែលឈរតវ៉ានៅមុខសេតវិមានដ៏យូរបំផុតលើលោក អស់ពេល ៣៥ឆ្នាំ

សកម្មជនមួយរូបឈ្មោះ Connie Picciotto បានស្លាប់កាលពីសប្តាហ៍មុន ។លោកស្រីគឺជាសកម្មជន មួយរូបផ្នែកសន្តិភាពដែលបានធ្វើយុទ្ធនាការតវ៉ានៅពីមុនសេតវិមានចាប់តាំងពី ឆ្នាំ ១៩៨១មក។ 

លោកស្រីគឺជាជនមួយរូបដែលគេគ្រប់គ្នាស្គាល់ ជាង ៣ទស្សវត្សកន្លះមកហើយ ដែលទើបនឹងស្លាប់។

គួរបញ្ជាក់ថាលោកស្រីជាក្មេងកំព្រាមួយរូបមកពីប្រទេសអេស្បាញ និងត្រូវបានគេយកមកចិញ្ចឹមនៅក្នុងទីក្រុង New York តាំងពីឆ្នាំ ១៩៦០មក ដែលកាលពីអតីត អ្នកស្រីធ្លាប់ធ្វើការជាលេខា អោយរដ្ឋាភិបាលអេស្បាញ។ និងក្រោយមករៀបការជាមួយបុរសជាតិអាតាលី ម្នាក់ ដោយទទួលបានចំណងកូនស្រីមួយ។ 

លោកស្រីធ្លាប់ចូលរួមជាមួយក្រុមប្រឆាំងនឹងអាវុធនុយក្លេអែរ បាន ២ ទៅ ៣ខែដែរ ជាមួយសកម្មជន មួយរូបទៀតឈ្មោះ William Thomas និងបានធ្វើការបោះតង់ នៅក្រៅសេតវិមាន អស់រយៈពេល ២៥ឆ្នាំ និងបានស្លាប់មុនលោកស្រីកាលពីឆ្នាំ ២០០៩។ តែលោកស្រីនៅបន្តការងារនេះទៅទៀត។ កាលពីឆ្នាំ ២០១៣ប៉ូលីសធ្្លាប់រុះរើតង់របស់លោកស្រីម្តងដែរ ព្រោះតែគ្មានមនុស្សនៅមើលថែ តែមួយរយៈខ្លីប៉ុណ្ណោះ តែត្រូវគេប្រគល់អោយលោកស្រីវិញ។ 

លោកស្រីបានិយាយថា នេះជាពេលវេលាដែលយើងត្រូវការគៀងគរមនុស្ស អោយជួយបញ្ឈប់ការកាប់ សំលាប់គ្នា និងបឈ្ឈប់សង្គ្រាមនៅទូទាំងពិភពលោកហើយ។ វាពិតជាពិបាកណាស់ ខ្ញុំត្រូវឈរនៅទីនេះ ត្រូវកំដៅថ្ងៃ ត្រជាក់ និងព្រិល ។ 

ការងាររបស់លោកស្រីត្រូវបានគេចាត់ទុកថាជាសកម្មជនតវា ប្រឆាំង ដ៏យូរជាងគេបំផុតលើលោក។