កែវភ្នែក ខនថេកឡេនអាចពង្រីករូបភាពបាន

បច្ចុប្បន្ននេះ អ្នកវិទ្យាសាស្រ្ត បាននឹងកំពុងបង្កើត ខនថេកឡេន (contact len) រឺហៅថាកញ្ចក់វែនតាពាក់ក្នុងភ្នែក ដោយភ្ជាប់មកជាមួយនូវកញ្ចក់តូចស្តើងនិងអាចពង្រីករូបភាពបាន ៣ដងជាងការពាក់ ខនថេកឡេន ធម្មតា។

ខនថេកឡេននេះ មានកម្រាស់ ១,៥៥មីលីម៉ែត្រ បំពាក់ជាមួយនឹងភ្នាស តេឡេស្កុបស្តើងបំផុត។ នៅពេលមានពន្លឺឆ្លងកាត់ កញ្ចក់នេះអាចជះពន្លឺត្រលប់ទៅកាន់កញ្ចក់របស់ផ្ទៃកញ្ចក់មួយបន្ទះទៀត ធ្វើការពង្រីករូបភាព និងអាចអោយអ្នកប្រើប្រាស់ អាចមើលឃើញច្បាស់ជាងមុនជាពិសេសសម្រាប់មនុស្សវ័យចំណាស់។  

តាមអ្នកស្រាវជ្រាវបានអោយដឹងថា ចលនានៃការញាក់ភ្នែកកំណត់មួយ នឹងត្រូវបានកំណត់ដើម្បីអោយអ្នកប្រើប្រាស់អាចបញ្ជានៅពេលចង់ពង្រីករូបភាព តាមចិត្តបាន ជាពិសេសបើគេចង់មើលរថយន្តនៅចំងាយពីមុខ ឫនៅចំហៀង  គឺគេអាចមើលមុខអ្នកបើកបរបានច្បាស់។

គេបានធ្វើតេស្តសាកល្បងរួចហើយ ពីផលប៉ះពាល់ទៅលើកម្រាស់កែវ និង កម្រិតអុកស៊ីហ្សែនទៅចិញ្ចឹមកែវភ្នែក គឺមិនមានអ្វីប៉ះពាល់ និងធ្វើអោយមានកង្វះអុកស៊ីហ្សែននោះឡើយ។

អ្នកផលិតសង្ឃឹមថា ខនថេកឡេន នេះ នឹងជួយអោយអ្នកមានបញ្ហាភ្នែក អាចប្រើប្រាស់ជាប្រយោជន៍ និងការពារមិនអោយឆាប់វិវឌ្ឈន៍ទៅកើតជំងឺខ្វាក់ភ្នែក និង ខូចគុណភាពចក្ខុប្រសាទ នៅពេលឈានដល់វ័យចំណាស់។ 

ឧបករណ៍ Speck តាមដានគុណភាពបរិយាកាសក្នុងផ្ទះ

ការតាមដានកម្រិតជាតិកង្វក់បរិយាកាស ក្នុងផ្ទះ ពិតជារឿងសំខាន់ ដើម្បីសុខភាព ជាពិសេសសម្រាប់មនុស្សដែលមានបញ្ហាសុខភាព។

          ឧបករណ៍តាមដានជាតិពុលនិងកង្វក់ក្នុងបរិកាសមួយឈ្មោះថា Speck អាចដោះស្រាយបញ្ហានេះបាន ព្រោះវាអាចកំណត់បានយ៉ាងជាក់លក្ខបំផុតនូវកម្រិតជាតិពុលក្នុងបរិយាកាស។

          ឧបករណ៍នេះត្រូវបានបង្កើតឡើងដោយវិទ្យាស្ថាន Robotics Institute នៃសាកលវិទ្យាល័យ Carnegie Mellon University ដែលទើបនឹងដាក់បង្ហាញក្នុងពិពរណ៍មួយកាលពីពេលថ្មីៗនេះ នៅរដ្ឋ Austin  និង Texas​ កាលពីថ្ងៃ​១៧មិនាកន្លងទៅ។​

វិធី៤យ៉ាងជួយកាត់បន្ថយការបាក់ក្រចកនិងឆាប់ដុះ

តើអ្នកចង់បានក្រចកដៃវែង និងស៊ិចស៊ីដែរឫទេ? មានមនុស្សតិចណាស់ដែលមានម្រាមដៃ និងក្រចក ស្អាត។ បញ្ហាគឺថាក្រចកតែងមានភាពផុយ​ ងាយបាក់ និង ប្រេះ។ ទាំងនេះគឺដោយសារកត្តាមួយចំនួនដូចរបបអាហារ និងការរស់នៅជាដើម។

            បើអ្នកចង់អោយអស់ក្តីកង្វល់នេះ អ្នកគួរអនុវត្តតាមវិធីសាស្រ្តណែនាំពីអ្នកជំនាញផ្នែកថែរក្សាសម្ផស្សមកពីគ្លីនិចមួយក្នុងប្រទេសឥណ្ឌាគឺលោកស្រី គុណចាន់ ហ្គោ (​Gunjan Gaur)ដូចខាងក្រោម៖

            ១. ម៉ាស្សាក្រចក៖

អ្នកអាចធ្វើការម៉ាស្សាក្រចកម្រាមដៃអោយបាន ១០នាទីមុនពេលយកទៅជ្រលក់ត្រាំក្នុងប្រេងចម្រាញ់ពីគ្រាប់អាល់ម៉ុនជារៀងរាល់យប់មុនចូលគេង។ ធ្វើដូចនេះ គឺជួយអោយក្រចកអ្នកទទួលបានវីតាមីន និងកំលាំងគ្រប់គ្រាន់ការពារនឹងភាពផុយស្រួលនៃក្រចក និងចិញ្ចឹមក្រចក។ ដូច្នេះ អ្នកត្រូវមានការអត់ធ្មត់ក្នុងការអនុវត្តតាម។​

៦ចំនុចក្នុងការពិសាកាហ្វេដើម្បីសុខភាព

ប្រសិន​បើ​អ្នក​ចូល​ចិត្ត​ពិសា​កាហ្វេ​  វាពិត​ជា​ប្រ​សើរ​ហើយ​ ព្រោះ​ក្នុង​កាហ្វេ​មាន​សារធាតុ​ប្រឆាំងអុកស៊ីតកម្ម ​អាហារូបត្ថម្ភ​សំខាន់​មួយ​ចំនួន​ អាស៊ីត​ សារធាតុ​ប៉ាន់​តូតេនីក​ (pantothenic)​ ម៉ង់​កាណែស ​និង​ប៉ូតាស្យូម​។ បើ​អ្នក​ពិសា​កាហ្វេ​បាន​ទៀង​ទាត់​ វា​អាច​ជួយ​កាត់​បន្ថយ​អត្រា​គ្រោះ​ថ្នាក់​ជំងឺ​ទឹក​នោម​ផ្អែម​ប្រភេទ​ទី ២​ ជំងឺ​អាល់ហ្សៃម៉ើ​ (Alzheimer៖​ជំងឺ​បាត់​ការ​ចង​ចាំ) និង​ជំងឺ​មហា​រីក​មួយ​ចំនួន​។ដើម្បីជាគុណប្រយោជន៍ផ្នែកសុខភាពអ្នកគួរពិសាកាហ្វេតាមវិធីខាងក្រោម៖

១. ឆុងកាហ្វេដោយខ្លួនឯង៖ ដើម្បីជាគុណប្រយោជន៍សុខភាពអ្នកគួរឆុងកាហ្វេដោយខ្លួនឯង ព្រោះកាហ្វេដែលទិញតាមហាង ទូទៅអ្នកមិនអាចដឹងច្បាស់ថា គេមានលាយសារធាតុអ្វីខ្លះនោះទេ។ ចំពោះកាហ្វេសុទ្ធល្អឆុងបែបកាពុះស៊ីណូ ចំណុះកន្លះលីត្រ មានសារធាតុ ៣៨០កាឡូរី ខ្លាញ់ ១៤ក្រាម ស្ករ ៥៨ក្រាម។​
២. ប្រើទឹកល្អឆុងកាហ្វេ៖ ដោយសារកាហ្វេច្រើនពិសាដោយការឆុងជាមួយទឹកស្ទើរតែ ៩៨,៧៥%ទៅហើយនោះ ដូច្នេះអ្នកត្រូវប្រើទឹកសុទ្ធនិងមានអានាម័យល្អ និងច្រោះកាកកាហ្វេអោយបានល្អជាមុនសិន មុននឹងពិសា ។ ទឹកស្អាតមិនត្រូវមានជាតិក្លរីនច្រើនពេកនោះទេ ព្រោះវាអាចប៉ះពាល់ដល់គុណភាពកាហ្វេ។

៣. ពិសាកាហ្វេសរីរាង្គ៖​ បើសិនជាអាចរកបានអ្នកគួររកទិញគ្រាប់កាហ្វេសុទ្ធមកកិន ហើយត្រូវប្រាកដថាគ្រាប់កាហ្វេនោះ ត្រូវបានគេដាំតាមបែបធម្មជាតិ មិនប្រើជីគីមីអ្វីនោះឡើយ។ ព្រោះជាតិគីមីដែលប្រើបាញ់ទៅលើដើម និងមានសល់កាកសំណល់ជាតិពុលជាប់ក្នុងគ្រាប់កាហ្វេ។

៤. កុំពិសាកាហ្វេលាយជាតិក្រែមនិងស្ករ៖ បើសិនអាចអ្នកគួរពិសាកាហ្វេទទេដើម្បីសុខភាព ប៉ុន្តែគេក៏មិនតម្រូវអោយអ្នកពិសាដោយមិនលាយជាតិស្ករនោះដែរ បើអ្នកពិបាកពិសានោះ។

៥. ទំពារកាហ្វេក្រោយពេលក្រេប៖ បើទោះជាកហ្វេជាវត្ថុរាវក្តី ឥរិបថពិសាដោយធ្វើចលនាទំពារក្នុងមាត់ដូចទំពារអាហារ វានឹងជួយជម្រុញបញ្ចេញជាតិអាំងសូលីន (insulin) ជួយសម្រួលដល់ចរន្តឈាម ក្នុងការបំផ្លែងជាតិគ្លុយកូស ទៅជាថាមពលបាន  និងជួយរក្សាលំនឹងជាតិស្ករក្នុងឈាម។

៦. ពិសារតិចៗ៖ ការពិសាកាហ្វេក្នុងបរិមាណមួយលើកៗតិច គឺជាទម្លាប់ល្អ និងមានសារៈប្រយោជន៍ដល់អារម្មណ៍ ក្លិន រសជាតិពិតរបស់កាហ្វេ និងធ្វើអោយអារម្មណ៍ស្រស់ថ្លា។ 

១១ចំនុចជួយការពារជំងឺថ្លើម

ថ្លើមគឺជាសរីរាង្គដ៏រឹងមាំសំខាន់បំផុត។​ វាមានទំងន់ពីចាប់ ១ ទៅ ១,៥គីឡូក្រាម ស្ថិតនៅផ្នែកខាងស្តាំក្រោមបរិវេណពោះ និងមានឆ្អឹងជំនីស្រោបការពារ។

          ថ្លើមដើរតួយ៉ាងសំខាន់ក្នុងការបំផ្លែងអាហារ ភេសជ្ជះ ទាំងអស់អោយទៅជាថាមពល និងអាហារូបត្ថម្ភសំរាប់ចិញ្ចឹមរាងកាយ។ ក្រៅពីនេះ ថ្លើមក៏មានមុខងារផ្ទុកនូវវីតាមីន និងធ្វើមេតាបូលីកអ័រម៉ូនមួយចំនួនសំរាប់បម្រើមុខងាររាងកាយ។

          ថ្លើមមានសមត្ថភាពព្យាបាល និងធ្វើអោយប្រសើរឡើងវិញនូវជំងឺផ្សេងៗដែលចូលយាយីរាងកាយ។ ទោះជាយ៉ាងនេះក្តី បើថ្លើមអ្នកកើតមានបញ្ហាហើយនោះ វាពិតជាពិបាក។

ជំងឺថ្លើមតែងកើតក្នុងសភាពស្ងប់ស្ងាត់ និងមានអត្រា ៥០% អាចបណ្តាលអោយអ្នកស្លាប់ បើមិនបានព្យាបាលទាន់ពេល។

          ជាទូទៅជំងឺថ្លើមមានច្រើនប្រភេទ ហើយរោគសញ្ញានិមួយៗពិបាកនឹងតាមដាន ដឹងណាស់ រហូតទាល់តែវាវិវដ្តន៍ដល់ដំណាក់កាលចុងក្រោយទើបដឹង។

          ដូច្នេះតើអ្នកគួរថែរក្សាការពារយ៉ាងម៉េច ដើម្បីជៀសវាងជំងឺថ្លើម?

          អ្នកត្រូវពិសាអាហារណាដែលល្អសម្រាប់សុខភាព និងធ្វើលំហាត់ប្រាណអោយបានទៀងទាត់។ ការអង្គុយធ្វើការងាររាល់ថ្ងៃច្រើនពេក អាចបណ្តាលអោយឡើងទម្ងន់ខ្លួន និងឆាប់ធាត់។ ការពិសារស្រាច្រើន ក៏អាចប៉ះពាល់ដល់ថ្លើមផងដែរ។

ជំងឺថ្លើមជាទូទៅត្រូវបានគេស្គាល់ថា ប្រភេទអេប៉ាទីត (Hepatitis) A, អេប៉ាទីត B,  អេប៉ាទីត C , បញ្ហាជាតិខ្លាញ់កកក្នុងថ្លើម និងជំងឺ NAFLD ដែលបង្ករមកពីការពិសាស្រាច្រើន។​ ជំងឺថ្លើមខ្លះ ក៏អាចបណ្តាលអោយវិវដ្តន៍ទៅជាជំងឺមហារីកផងដែរ។

          ខាងក្រោមនេះ ជាចំនុចសំខាន់ ១១ចំនុច ដែលអ្នកគួរដឹងដើម្បីបង្កាកុំអោយឈានទៅកើតជំងឺថ្លើម៖

១. ត្រូវពិសាអាហារណាមានជាតិកាកសរសៃច្រើន​ និងជៀសវាងកុំពិសាអាហារមានជាតិខ្លាញ់ និងប្រៃច្រើនពេក។

២. ពិសាស្រាក្នុងបរិមាណតិចតួចដើម្បីសុខភាព។

៣. ចាក់ថ្នាំវ៉ាក់សាំង ការពារភាពស៊ាំនឹងមេរោគ អេប៉ាទីត A និង B ។​

៤. កុំពិសាថ្នាំពេទ្យច្រើនលើសកម្រិត និងត្រូវពិគ្រោះយោបប់ជាមួយគ្រូពេទ្យ។

៥. ត្រូវប្រយ័ត្ននឹងការប៉ះដោយផ្ទាល់នៅនឹងថ្នាំសម្លាប់សត្វល្អិត និង ថ្នាំគីមីបាញ់លើដំណាំគ្រប់ប្រភេទ។

៦. ត្រូវលាងសំអាតដៃជានិច្ចនៅក្រោយពេលចូលបន្ទប់ទឹក។​

៧. មិនត្រូវប្រើថ្នាំពេទ្យ ផ្សំជាមួយថ្នាំបូរាណ ព្យាបាលជំងឺ។​

៨. ត្រូវលៃពេលទៅក្រៅលំហែរកាយ និងធ្វើលំហាត់ប្រាណខ្លះៗ ដូចជាជិះកង់ជាដើម។

៩. ការសាក់ស្បែក ចោះក្រវិលលើរាងកាយ កាត់ក្រចកដៃជើង ត្រូវសំអាតឧបករណ៍អោយ បានស្អាតនិងរំងាប់មេរោគជាមុន នៅមុនពេលប្រើ។ ចំពោះថ្នាំចាក់សាក់ខ្លះ​ពេលប៉ះចូលដល់ឈាមក៏អាចបណ្តាលអោយឆ្លងជំងឺផងដែរ ជាពិសេស មេរោគអេប៉ាទីតប្រភេទ B និង C។​

១០. មិនត្រូវប្រើស៊ីរ៉ាំងចាក់ថ្នាំរួមគ្នា ផ្លែឡាម និងវត្ថុមុតស្រួចនានា។

១១. មេរោគប្រភេទ អេប៉ាទីត B និង C អាចឆ្លងតាមការរួមភេទ។