រថយន្តម៉ូឌែល M4 GTS របស់ BMW បំពាក់ បច្ចេកវិទ្យាបាញ់ទឹកក្នុងម៉ាសីុន

រថយន្តម៉ូឌែល M4 GTS របស់ក្រុមហ៊ុន BMW ទើបតែបានដាក់តាំងបង្ហាញថ្មីៗនេះនៅ Pebble Beach ដើម្បីរំលឹកដល់ខួបរបស់ មូ៉ឌែល M3 បានចេញកាលពី ៣០ឆ្នាំមុន។

ម៉ូឌែលថ្មីនេះប្រើបច្ចេកវិទ្យាជំនួយ Water Injection system ដែលអាចជួយកាត់បន្ថយការ ប្រើសាំងបានច្រើន និងមានកំលាំងម៉ាស៊ីនកើនរហូតដល់ 368 kw (500 hp) ។ ក្រុមហ៊ុនក៏បាន បំពាក់បច្ចេកវិទ្យានេះទៅលើម៉ូឌែល M4 MotoGP Pace Car ផងដែល។ 

ប្រព័ន្ធនេះអាចជួយអោយសីតុណ្ហភាពបន្ទុះក្នុងម៉ាសីុនទាប សីុសាំងតិច និងដំណើរការម៉ាសីុន ស្ងាត់ល្អ និងធ្វើតេស្តកំលាំងរវិលជុំម៉ាសីុនបានក្នុងល្បឿន ១០០គីឡូម៉ែត្រ ក្នុងរយៈពេល ៣,៨វិនាទី។ រថយន្តនេះប្រើថាមពលសាំងអស់ ៨,៣លីត្រក្នុងចំងាយផ្លូវបើកបរ ១០០គីឡូម៉ែត្រ។

ចំពោះការតុបតែងក្នុងរថយន្តវិញ ទាំងកៅអី ដៃចង្កូត និង ជញ្ជាំងរថយន្ត ត្រូវបានលំអរដោយ ក្រណាត់ពិសេស ស្បែក និង សារធាតុកាបូន ដ៏ទំនើប។ ភ្លើងបំភ្លឺប្រភេទ OLED ។

រថយន្តទាំងមូលមានទំងន់ ១៥១០គីឡូក្រាម គឺទំងន់ ៥២ក្រាមស្រាលជាងរថយន្តដែលមានរូបរាង ដំណាក់ទំហំស្តង់ដាដូចគ្នា។ ចំពោះតម្លៃត្រូវបានគេប៉ាន់ប្រមាណថា អាចចាប់ពី ៦៤,២០០ ដុល្លារ ឡើងទៅ គឺថ្លៃជាងម៉ូឌែល M4 Coupe ។