៥ចំនុចជួយព្យាបាលអាការៈក្អកស្ងួត

បញ្ហាក្អកគឺពិតជាការំខាន នេះគឺមិនគិតពីការជំងឺក្អកស្ងួត ឫសើមនោះទេ  អោយតែក្អកគឺពិបាក ទាំងអស់។

ទោះជាយ៉ាងនេះក្តីជំងឺក្អកមួយដែលបង្កផលលំបាកគឺអាការៈក្អកដោយគ្មានស្លេស្ម ឫហៅថាក្អក ស្ងួត ។ បញ្ហានេះវាច្រើនបណ្តាលមកពីបញ្ហាអាល់ឡែកហ្សីុ និងកត្តាបរិស្ថានដែលមានធូលីច្រើន។

អាការៈរម៉ាស់នៅត្រង់បំពង់កខាងក្នុងក៏អាចធ្វើអោយអ្នកក្អកញឹកញាប់បានផងដែរ។ ដោយឡែក បញ្ហាក្អកដែលមានស្លេស្ម អាចបណ្តាលមកពីការឆ្លងមេរោគ ជំងឺរលាកទងសួត ក្អកបណ្តាលមក ពីការជក់បារី និងជំងឺផ្លូវដង្ហើមផ្សេងៗ។

ខាងក្រោមនេះជាដំបូន្នានខ្លះៗដើម្បីបំបាត់អាការៈជំងឺក្អកស្ងួត៖

១. ខាកកំហាកចេញ៖ នេះជាវិធីមួយដែលអាចជួយបន្ធូរបន្ថយអាការៈក្អកខ្លះៗ បើអ្នកធ្វើដូច្នេះ អ្នកគួរបៀមទឹកអំបិលបន្តិចក្នុងមាត់ ព្រោះទឹកអំបិលអាចជួយព្យាបាលបញ្ហាបំពង់កបានផងដែរ។

២. ទឹកឃ្មុំ៖ ទឹកឃ្មុំគឺជាសារធាតុមួយដ៏មានប្រសិទ្ធភាពបំផុតជួយព្យាបាលជំងឺក្អកទាំងមនុស្សពេញ វ័យនិងកុមារ។ វាមានសារធាតុអុកសីុតកម្មជួយសម្រួលបំពង់ក បំបាត់ស្លេស្ម និងកំចាត់បាក់តេរី ផ្សេងៗ។ គេអាចពិសាទឹកឃ្មុំលាយជាមួយទឹកក្តៅឧណ្ហៗក៏បាន។  ទោះជាយ៉ាងនេះក្តី ចំពោះកុមារ អាយុក្រោម ២ឆ្នាំមិនគួរអោយប្រើទឹកឃ្មុំព្យាបាល នោះទេ ព្រោះវាអាចប្រឈមនឹង ការរលាក បំពង់ក។

៣. ខ្ញី៖ ខ្ញីគឺជាសារធាតុធម្មជាតិប្រសើរបំផុតក្នុងការព្យាបាលជំងឺក្អក។ ក្នុងមើមខ្ញីមានសមាសធាតុ កំចាត់បញ្ហារលាក និងជួយបន្ធូរបន្ថយបញ្ហាឈឺចាប់ត្រង់បំពង់ក។ អ្នកអាចយកាត់ខ្ញីជាចំណិតៗ រួចកិនវា យកទៅលាយជាមួយទឹកដាំពុះដើម្បីពិសា។ អ្នកអាចពិសាវានៅពេលត្រជាក់ ។ ត្រូវពិសា យ៉ាងហោចណាស់អោយបាន ៣ដងក្នុងមួយថ្ងៃ ដើម្បីបំបាត់ការឈឺក សម្រួលខ្យល់ដង្ហើម និងបំបាត់អាការៈក្អក។

៤. មើមរមៀត៖ វាមានសារធាតុថ្នាំព្យាបាលដ៏ប្រសើរចំពោះជំងឺក្អក។ វាមានប្រសិទ្ធិភាពខ្ពស់ ក្នុងការព្យាបាលជំងឺវិរុស្សឆ្លងផ្សេងៗ ជាពិសេសជំងឺក្អក និងផ្តាសសាយ។ ក្រៅពីនេះ សារធាតុ ឃើគូមីន (curcumin) ជាសារធាតុជួយប្រឆាំងនឹងបញ្ហារលាក  និងមានសារធាតុប្រឆាំង អុកសីុតកម្មខ្ពស់។ វិធីព្យាបាកគឺអ្នកត្រូវយកម្សៅរមៀតចំណុះមួយស្រាបព្រាកាហ្វេ និងអាចលាយជាមួយម្រេចខ្មៅបន្តិច យកទៅដាំទឹកពុះ ។ បើពិបាកពិសា អ្នកអាចលាយទឹកឃ្មុំបន្តិច ពិសាក៏បាន។

៥. ខ្ទឹមស៖ ខ្ទឹមសក៏ជាជម្រើសមួយប្រសើរនិងមានគុណសម្បត្តិច្រើនក្នុងការព្យាបាលជំងឺក្អកបាន។ វាមានផ្ទុកសារធាតុ អាល់សីុលីន (allicin) និងសារធាតុប្រចាំងមេរោគបាក់តេរី និងវីរុស្សផ្សេងៗ។ លើសពីនេះវាក៏ជួយក្នុងការពង្រឹងប្រព័ន្ធការពាររាងកាយ។ វិធីធ្វើ អ្នកអាចយកមើុមខ្ទឹមស ទៅដាំទឹកពុះ ទុកពិសា ។ បើពិបាកពិសា អ្នកអាចលាយទឹកឃ្មុំបន្តិចដើម្បីពិសាក៏បាន។