អ្វីគួរធ្វើនិងមិនគួរនៅពេលពស់ចឹក

មនុស្សជាច្រើនតែងតែខ្លាចសត្វពស់ និងភ្្ញាក់ផ្អើលប្រសិនបើមានអ្នកណាម្នាក់ត្រូវបានពស់ចឹក។ ពិតហើយបើទោះជាវាកើតមានទៅលើអ្នកណាម្នាក់ក្តី វាពិតជាអាចបង្ករគ្រោះថ្នាក់ខ្លាំង ដល់អាយុជីវិតពុំខាន។ តើអ្នកគួរធ្វើដូចម្តេចចំពោះការសង្រ្គោះបឋមនៅពេលអ្នកណាម្នាក់ត្រូវ បានពស់ចឹកនោះ?

ខាងក្រោមនេះជាដំបូន្នានខ្លះៗដែលអ្នកគួរអនុវត្តនិងមិនគួរអនុវត្តនៅពេលមានអ្នកណាម្នាក់ត្រូវបានពស់ចឹក៖

អ្វីគួរធ្វើ៖

• ហៅឡានពេទ្យជាបន្ទាន់
• អ្នកដែលត្រូវពស់ចឹក ត្រូវតាំងស្មាតីអោយស្ងប់ និងនៅអោយស្ងៀម មិនត្រូវរើបំរាស ឫធ្វើចលនាអ្វីទាំងអស់ ព្រោះជាតិពិសរបស់ពស់នឹងធ្វើចលនា លឿនទៅពាសពេញរាងកាយនិងបេះដូង។
• ជូតសំអាតកន្លែងរបួស តែមិនត្រូវយកទឹកទៅលាងសំអាតនោះទេ
• យកកន្សែងឫក្រណាត់ស្អាតទៅជូតគ្របត្រង់កន្លែងពស់ចឹក
• អ្នកដែលត្រូវពស់ចឹកត្រូវដោះគ្រឿងអលង្កាចេញ និងយកក្រណាត់ទៅចងអោយណែន ដើម្បីរាំងខ្ទប់មិនអោយមុខរបួសរីក និងហើម។​

អ្វីមិនគួរធ្វើ៖

• មិនត្រូវយកបង់រំរបួសចង ឬទឹកកកទៅលាបស្អំឡើយ។
• មិនត្រូវយកវត្ថុអ្វីទៅឆ្អឹះមុខរបួស ដើម្បីសាកល្បងយកពិសចេញ
• មិនត្រូវសាកល្បងយកមាត់ទៅបឺតពិសចេញ។
• មិនត្រូវយកទឹកកំប្រេះទៅលាបមុខរបួសត្រង់កន្លែងចឹកនោះ។
• មិនត្រូវអោយថ្នាំអ្វីទៅអ្នកត្រូវពស់ចឹកលេបនោះទេ លុះណាតែវាជាវេជ្ជៈបញ្ជា របស់គ្រូពេទ្យ។
• មិនត្រូវលើកបរិវេនដែលពស់ចឹកអោយខ្ពស់ជាងកំពស់បេះដូងរបស់អ្នកជំងឺឡើយ។
• មិនត្រូវពិសាកាហ្វេ និងស្រា​ព្រោះវារឹតតែជួយពន្លឿនពិស អោយជ្រាបទៅរាងកាយកាន់តែឆាប់។