ថេប្លីត Galaxy Tab S2 ជំនាន់ថ្មីស្តើង ស្រាលនិងរឹងមាំជាងមុនរបស់ ស៊ាំស៊ុង

អស់រយៈពេលជាច្រើនឆ្នាំដែល ថេប្លីតរបស់ Samsung តែងស្ថិតក្នុងលំដាប់មធ្យម។​ ទើបតែ ថ្មីៗនេះ ក្រុមហ៊ុនបានបញ្ចេញនូវ ថេប្លីតជំនាន់ ថ្មីទី ២ គឺ Galaxy Tab S2 ដែលជា​ លំដាប់ ថេប្លីតកំពូល ស្តើង ស្រាលនិងមានថាមពល ខ្លាំង។

Galaxy Tab S2 ជំនាន់ថ្មីនេះមានពីរប្រភេទ​គឺទំហំ ៩,៧ អ៊ីង និង ៨អ៊ីង ក្នុងកម្រិត 2048 x 1536 (16:10) នៃសមាមាត្រអេក្រង់ប្រភេទ Super AMOLED មានពណ៍ភ្លឺច្បាស់ ។​

ថេប្លីតនេះ មានកម្រាស់ ៥,៦​មីលីម៉ែត្រ ស្តើងជាង iPad Air 2 ចំនួន ៨% និងស្រាលជាង ១១%។

ក្រុមហ៊ុន Samsung បានបញ្ជាក់ថា ថេប្លីតទាំងពីរនេះមានគែមស្រោបពីអាលុយ មីញ៉ូមព័ទ្ធ ជុំវិញ ខុសពីម៉ូឌែលមុនដែលមានគែមស្រោបពីជ័រប្លាស្ទីក ប៉ុន្តែផ្ទៃខាងក្រោយនៅរក្សា ផ្ទៃជាជ័រប្លាស្ទីក ដដែល​។​

ថេប្លីតទាំងពីរនេះមានថាមពលអង្គក្រាហ្វិច ១០គ្រាប់ ប្រភេទ Octa-core Exynos ល្បឿន 1.9 GHz និងអង្គចងចាំទំហំ 3 GB RAM។ 

ចំពោះតម្លៃនៅមិនទាន់បានបញ្ជាក់អោយដឹងច្បាស់នៅឡើយ។ ប៉ុន្តែចំពោះម៉ូឌែល Galaxy Tab S កាលពីឆ្នាំមុនមានតម្លៃ ៥០០ដុល្លា និងទំហំតូចតម្លៃ ៤០០ដុល្លា។ ចំពោះម៉ូឌែលថ្មីជំនាន់ទី២នេះ ក្រុមហ៊ុនគ្រោងនឹងចេញលក់ជាផ្លូវការនៅក្នុងខែសីហា ខាងមុខនេះ នៅលើទីផ្សារទូទាំងសាកល លោក។