គុណប្រយោជន៍ផ្លែឃ្លោកចំពោះសុខភាព

ដូចយើងដឹងស្រាប់ហើយថា បន្លែបៃតងភាគច្រើនគឺមាន គុណប្រយោជន៍ចំពោះ សុខភាព។ ដោយឡែកក្នុងនោះក៏មានផ្លែ ឃ្លោកផងដែរ ជាប្រភេទបន្លែ ងាយរកបាន ហើយមានតម្លៃថោក និងមានគុណសម្បត្តិច្រើន ចំពោះសុខភាព។​

ផ្លែឃ្លោកអាចមានច្រើនសណ្ឋាន និងរូបរាង។ ក្នុងផ្លែឃ្លោកមានសារធាតុរ៉ែខនិជ និងទឹកច្រើន ដែលអាចជួយប្រឆាំងជំងឺមួយចំនួន និងធ្វើអោយរាងកាយមាន សុខភាពល្អ។

ខាងក្រោមនេះជាគុណសម្បត្តិមួយចំនួនរបស់ផ្លែឃ្លោក៖ 

១. ជួយសម្រួលប្រព័ន្ធរំលាយអាហារ៖ ជាតិទឹកនិងសារធាតុកាកសរសៃក្នុងផ្លែឃ្លោក ជួយប្រព័ន្ធរំលាយអាហារដំណើរការប្រក្រតីនិងសកម្ម។ ក្រៅពីនេះវាក៏ជួយបន្ថយ បញ្ហាទល់លាមកផងដែរ។

២. សម្រកទំងន់៖ ទឹកផ្លែឃ្លោកគឺជាប្រភពសំខាន់ចំពោះអ្នកចង់សម្រកទំងន់ ពីព្រោះ ទឹកផ្លែឃ្លោកដែលកិនមានសារធាតុកាកសរសៃខ្ពស់ដែលជួយអោយអ្នកពិសារមាន អារម្មណ៍មិនឃ្លានអាហារ។​

៣. ល្អសម្រាប់បេះដូង៖ បន្លែប្រភេទនេះមានសារធាតុកូឡេស្ទេរ៉ូលស្ទើស្មើសូន្យ។ លើសពីនេះវាក៏សំបូរវីតាមីន C និងសារធាតុអុកស៊ីតកម្មខ្ពស់សម្រាប់សុខភាព​បេះដូង។

៤. កាត់បន្ថយបញ្ហាស្ត្រេះ៖​ ភាពតានតឹងក្នុងអារម្មណ៍តែងកើតមានចំពោះមនុស្សទូទៅ តែបើអ្នកពិសាផ្លែឃ្លោក វានឹងជួយកាត់បន្ថយភាពតានតឹង ព្រោះវាជួយបន្ថយកំដៅ ក្នុងខ្លួននិងធ្វើអោយរាងកាយនិងអារម្មណ៍ស្រស់ថ្លាឡើងវិញ។​

៥. សម្រួលប្រព័ន្ធបន្ទោបង់៖​ ប្រព័ន្ធបន្ទោបង់អាចនឹងមានថ្ងៃខ្លះរលាក ព្រោះក្នុងទឹកម៉ូដ មានផ្ទុកសារធាតុអាស៊ីតច្រើន។ ដូច្នេះដើម្បីដោះស្រាយបញ្ហានេះ អ្នកគួរពិសារឃ្លោក ព្រោះក្រៅពីជួយសម្រួលតម្រងនោមហើយ វាក៏ជួយការពារនិងព្យាបាលជំងឺឆ្លងផ្សេងៗ ច្រើនកើតមានទៅលើតម្រងនោម។