តើអ្នកគួរពិសារសំបកចេកដែរឫទេ?

ពិតហើយមនុស្សមួយចំនួនបានដឹងថាផ្លែចេកមានគុណសម្បត្តិច្រើនចំពោះសុខភាព ប៉ុន្តែតែអ្នកដឹងទេក្រៅពីសាច់ផ្លែចេក សំបកចេកក៏មានគុណប្រយោជន៍ច្រើនណាស់ដែរចំពោះ សុខភាព ហើយអ្នកប្រាកដជាមានអារម្មណ៍ចម្លែកហើយថា ចឹងមានតែពិសារសំបកចេក។​

ការសិក្សាជាច្រើនបានអោយដឹងថា សំបកចេកមានផ្ទុកអាហារូបត្ថម្ភជាច្រើន និងជួយសម្រកទំងន់ បានទៀតផង។  ខាងក្រោមនេះជាហេតុផលមួយចំនួនដែលអ្នកគួរដឹងមុនពេលសម្រេចចិត្តបោះ សំបកចេកចោល៖

• សំបកចេកមានផ្ទុកវីតាមីន A ច្រើនជួយការពារប្រព័ន្ធការពាររាងកាយ និងប្រឆាំងនឹងជំងឺឆ្លងផ្សេងៗ
• មានសារធាតុប្រឆាំងអុកស៊ីតកម្មជាច្រើន និង វីតាមីន B និង B6
• សារធាតុម្យ៉ាងឈ្មោះថា លូតេអីុន (lutein) មាននៅក្នុងសំបកចេក អាចជួយអោយភ្នែក មានសុខភាពល្អ និងការពារជំងឺភ្នែកឡើងបាយ។
• មានសារធាតុអាហារកាកសរសៃ ជួយបន្ថយកម្រិតកូឡេស្ទេរ៉ូល និងសម្រួលប្រព័ន្ធរំលាយ អាហារ ។
• សំបូរសារធាតុ ប៉ូតាស្យូម និងអាហារកាកសរសៃជាងសាច់ចេកទៅទៀត។

ពិតហើយត្រង់ចំនុចនេះ អ្នកគួរសាកល្បងពិសាសំបកចេកហើយ បើទោះជាអ្នកមិនទំលាប់ក្តី។ អ្នកអាចមានអារម្មណ៍ប្លែកបន្តិចព្រោះមិនធ្លាប់ពិសារវាពីមុនមក។

បើតាមអ្នកជំនាញខាងសុខភាពបានស្នើរអោយអ្នកគួរជ្រើសរើសសំបកចេកដែលមានពណ៌លឿង គឺវាប្រសើរជាងសំបកបៃតង ព្រោះសំបកលឿងមានផ្ទុកសារធាតុមួយចំនួនទៀតជួយប្រឆាំងជំងឺ មហារីក និងជួយបង្កើនកោសិកាឈាម។ បើអ្នកចង់ពិសារមែននោះអ្នកគួរយកសំបកចេកទៅ ស្ងោរទឹកក្តៅអោយបាន១០នាទីជាមុនសិន មុននឹងពិសារ។