សភាពអស់កម្លាំងសំដៅដល់ភាពថមថយថាមពលក្នុងខ្លួន
ទាំងរូបរាងកាយ និងស្មារតី ឫធ្លាក់ខ្លួនទៅជាឈឺក៏សឹងមាន។ មនុស្សជាច្រើនតែងកើតមានបញ្ហានេះ
ដែលភាគច្រើនបណ្តាលមកពីការបំពេញ ការងារប្រចាំថ្ងៃច្រើន ការធ្វើដំណើរ
សកម្មភាពប្រើកម្លាំងច្រើន និង ភាពចាស់តាមវ័យជាដើម។
មនុស្សខ្លះដែលមានជំងឺប្រចាំកាយដូចជា ជំងឺទឹកនោមផ្អែម
ជំងឺបេះដូង ឈឺសន្លាក់ ឆ្អឹង និងជំងឺដទៃទៀត
ច្រើនមានសភាពអស់កម្លាំងច្រើនជាងមនុស្សទូទៅ។
នៅពេលអ្នកជួបបញ្ហានេះគឺមានន័យថា ជីវសាស្រ្តនៃរាងកាយអ្នកខុសប្រក្រតីហើយ
។ មនុស្សខ្លះចាប់ផ្តើមមានការថមថយថាមពលនិង អស់កម្លាំងខុសពីប្រក្រតី
និងអាចធ្វើអោយប៉ះពាល់ដល់ជីវិតរស់នៅប្រចាំថ្ងៃ ការងារ គ្រួសារ និងមិត្តភក្តិ។
ទោះជាអ្នកជួបប្រទះបញ្ហានេះក្តី គឺមានវិធីអាចដោះស្រាយបាន និងបង្កើនថាមពល
ឡើងវិញបាន គឺអ្នកគួរសាកល្បងនូវវិធីសាស្រ្តខាងក្រោម៖
១. ធ្វើលំហាត់ប្រាណ៖
តាមការស្រាវជ្រាវជាច្រើនបានអោយដឹងថា ការបញ្ចេញថាម
ពលរាងកាយច្រើន ដូចជាតាមរយៈការហាត់ប្រាណផ្សេងៗអាចជួយបង្កើនថាមពល ឡើងវិញបាន
ជាពិសេសអ្នកត្រូវធ្វើការហាត់ប្រាណនៅពេលព្រឹកព្រលឹម ដោយការ ដើរតិចៗ ជិះកង់
រឺហាត់យូហ្គាជាដើម។
២. ពិសារទឹកអោយបានច្រើន៖
ទឹកជាប្រភពដ៏សំខាន់សម្រាប់រាងកាយ
គឺប្រៀបប្រដូចរថយន្តដែលត្រូវការសាំង ដើម្បីដំណើរការនោះដែរ។ កង្វះជាតិទឹក
វាអាចធ្វើអោយសកម្មភាពរបស់រាងកាយ ថយចុះ បាត់បង់ការផ្ចង់ស្មារតី និង ភាពស្រស់ស្រាយ។
ដូច្នេះអ្នកគួរពិសារទឹក អោយបានច្រើននិងគ្រប់គ្រាន់។
៣. គេងអោយបានគ្រប់គ្រាន់៖
ការដេកមិនគ្រប់គ្រាន់ គឺអាចប៉ះពាល់ដល់សុខភាព
អ្នកបាននិងធ្វើអោយអ្នកមិនមាន ថាមពលគ្រប់គ្រាន់សម្រាប់ថ្ងៃបន្ទាប់។ ដូច្នេះអ្នក
ត្រូវចូលគេងអោយបានទៀងទាត់ ពេលវេលា និងគេងអោយបានគ្រប់ម៉ោង យ៉ាងហោចណាស់ក៏ ពី៧ទៅ
៨ម៉ោងដែរ។
៤. សម្រកទំងន់ខ្លួនខ្លះ៖
ការសម្រកទំងន់ខ្លួនខ្លះ វានឹងធ្វើអោយរាងកាយអ្នករហ័ស
និងស្វាហាប់ជាងពីមុន ព្រោះជាតិខ្លាញ់ច្រើនក្នុងខ្លួន
ក្រៅពីប៉ះពាល់ដល់សម្រស់អ្នកហើយ វាក៏ធ្វើអោយ
សកម្មភាពនិងកាយវិការអ្នកមិនរហ័សរហួននោះដែរ។ ដូច្នេះអ្នកត្រូវជ្រើសរើស
អាហារអោយមានតុល្យភាព ដើម្បីបង្កើនថាមពលរាងកាយ។
៥. ពិសារអោយបានច្រើន តែសមស្រប៖
មនុស្សមួយចំនួនជ្រើសរើសការពិសារអាហារក្នុងបរិមាណតិចតួចអោយបានច្រើន
ដង គឺប្រសើរជាងការពិសារច្រើនក្នុងពេលតែមួយលើក។ ការពិសារតិចតួច ច្រើនដង អាច ធ្វើអោយរាយកាយរក្សាតុល្យភាពជាតិស្ករ
បានប្រសើរ ។ អ្នកត្រូវជ្រើសរើសពិសារ គ្រាប់ធញ្ញជាតិគ្រប់ប្រភេទ
និងមិនត្រូវរំលងមិនពិសារអាហារពេលព្រឹកនោះទេ។
No comments:
Post a Comment