ចិញ្ចៀនវ័យឆ្លាតអាចវិភាគរកជំងឺកាមរោគ

មនុស្សមួយចំនួនតែងមានដៃគូរស្នេហា និងការរួមភេទច្រើន ហើយការពិនិត្យសុខភាពរកជំងឹ ឆ្លងតាមផ្លូវភេទ ផ្សេងៗគឺជារឿងចាំបាច់ដែលអ្នកគួរតាមដាន និងយកចិត្តទុកដាក់។ 

ទោះជាយ៉ាងនេះក្តី អ្នកមិនបាច់បារម្ភច្រើនទៀតទេ ព្រោះមានចិញ្ចៀនពិសេសមួយប្រភេទឈ្មោះថា Hoope បង្កើតឡើងដោយក្រុមហ៊ុនដែលមានមូលដ្ឋាននៅ Silicon Valley បានផលិតជាចិញ្ចៀនវ័យឆ្លាតមួយសម្រាប់ ពាក់លើមេដៃ និងអាចធ្វើតេស្តវិភាគជំងឺផ្សេងៗជាពិសេសជំងឺកាមរោគបាន ។

ចិញ្ចៀននេះអាចវាស់ដឹងដោយប្រើស៊ីញ៉ាល់ម៉ាញ៉េទិច វាស់ត្រង់ស្បែកនៅត្រង់មេដៃ ដោយអាចអោយអ្នក  ប្រើប្រាស់គ្រាន់តែចុចប៊ូតុងនៅលើចិញ្ចៀននោះ វានឹងលៀនចេញនូវម្ជុល តូចមួយដែលអាចប្រើបូមឈាមបន្តិច និងស្រូបបញ្ចូនចូលទៅក្នុងចិញ្ចៀនដែលមានបំពាក់ ឈីប (អ៊ីុសេ) ដើម្បីធ្វើតេស្ត។ ឈាមគម្រូនោះបានធ្វើដំណើរ ឆ្លងកាត់បន្ទប់វិភាគចំនួន ៤នៅក្នុងចិញ្ចៀនដែលមានផ្ទុកសារធាតុ អង់ទីហ្សែននៅទីនោះស្រាប់ដើម្បីធ្វើការវិភាគ ដោយចាប់យកអង់ទីគ័រផ្សេងៗ ដែលមានជាប់ទាក់ទងនឹងការវិភាគរកមេរោគ។

ប្រសិនបើចាប់បាន វានឹងបង្ហាញនូវលទ្ធផលនៅលើផ្ទៃអេក្រង់លើចិញ្ចៀននោះ។ ទិន្នន័យនេះអាចបញ្ជូនលទ្ធផល វិភាគទៅកាន់កម្មវិធីក្នុងទូរស័ព្ទដៃបានថែមទៀតផង ដោយប្រាប់អោយដឹងថា អ្នកអាចមានជំងឺអ្វីមួយជាក់លក្ខ័ ដើម្បីសម្រួលអោយអ្នកដឹងថា វាជាពេលដែលត្រូវទៅរកគ្រូពេទ្យព្យាបាលហើយ។ 

គម្រូចិញ្ចៀននេះត្រូវបានផលិតដោយអ្នកជំនាញនៅសាកលវិទ្យាល័យ Colorado State University ដែលវាអាចង្ហាញបានយ៉ាងសុក្រិតនូវលទ្ធផលធ្វើតេស្តដឹងពីជំងឺកាមរោគ ដូចជាជំងឺស្វាយក្រាបជាដើម។ ហើយក្រុមអ្នកស្រាវជ្រាវក៏កំពុងធ្វើការខិតខំ សិក្សាបន្ថែមដោយធ្វើអោយវា កាន់តែមានសមត្ថភាពវាស់បាន យ៉ាងសុក្រិតទៅ លើជំងឺកាមរោគដទៃៗទៀត ។ 

​គេក៏កំពុងធ្វើការសិក្សាបង្កើនសមត្ថភាពចិញ្ចៀននេះ ធ្វើការតាមដានវាស់នូវបញ្ហា អាល់ឡែកហ្សុី ជំងឺមហារីក ជំងឺទឹកនោមផ្អែម និង វាស់ពីការមានផ្ទៃពោះ។ 

គេនឹងធ្វើយុទ្ធនាការផ្សព្វផ្សាយចិញ្ចៀននេះ នៅដើមខែមករាឆ្នាំ ២០១៦ នៅក្នុងប្រទេស ម៊ិុចស៊ិចកូ អាមេរិចឡាទីន អឺរ៉ុប និងសហរដ្ឋអាមេរិច។ វាអាចមានតម្លៃ ប្រមាណជា ៥០ដុល្លារ អាមេរិច ។