ការពន្យាកំណើតដោយកាត់បំពង់មេជីវិតស្រ្តី

នេះជាវិធីពន្យាកំណើតអចិន្រ្តៃមួយដ៏មាន ប្រសិទ្ធភាពបំផុតជាពិសេសសម្រាប់ស្រ្តី ដែលមាន បំណងឈប់ចង់បានកូនតទៅ ទៀត។ វាជាវិធីបញ្ជប់ការមានផ្ទៃពោះ ដោយ ការវះកាត់​បំពង់ដៃ ស្បួន រឺហៅថា គ្រៀវ។ 

មុខរបួសបំពង់មេជីវិតដែលកាត់រួចត្រូវបាន គេប្រើឧបករណ៍ចរន្តអគ្គិសនីពិសេសក្នុងការ បិទភ្ជាប់ រឺការប្រើដង្កៀប រឺកងបិទភ្ជាប់តំណ បំពង់ដៃស្បួននោះ។ 

ផលប្រយោជន៍នៃការកាត់បំពង់មេជីវិត៖

វាមានសុវត្ថិភាព ងាយស្រួល រហ័ស និងអាចការពារការមានផ្ទៃពោះបានមួយជីវិត។ អ្វីដែល សំខាន់គឺវាជួយអោយស្រ្តីកាន់តែរីករាយជីវិតផ្លូវភេទដោយមិនបាច់បារម្ភពី​ ការមានផ្ទៃពោះ។​ មានបុរសនិងស្រ្តីជាច្រើនបានរាយការណ៍អោយដឹងថា ពួកគេមាន ភាពរីករាយច្រើននូវជីវិត លើគ្រែរបស់ពួកគេ។

វិធីបែបនេះមិនបានធ្វើអោយមានការប្រែប្រួលអ័រម៉ូននោះឡើយ ជាពិសេសអ័រម៉ូន ដែលតែងតែ ប៉ះពាល់ដល់ សក់ សំលេង ចំណង់ផ្លូវភេទ សាច់ដុំ និង ទំហំសុដន់ ដែលតែងតែប្រែប្រួលបើ មានការប្រើប្រាស់វិធីពន្យាកំណើតផ្សេង ជាពិសេសការប្រើ ថ្នាំលេប។ វាក៏មិនធ្វើអោយអាក់ខាន ដល់វដ្តរដូវនោះដែរ។ 

វិធីពន្យាកំណើតដោយកាត់បំពង់មេជីវិតនេះសក្តិសមបំផុតសម្រាប់៖

• អ្នកមិនចង់បានកូនតទៅទៀត
• បារម្ភពីផលប៉ះពាល់ដោយការប្រើវិធីពន្យាកំណើតផ្សេង។
• មានបញ្ហាសុខភាពប្រសិនបើចង់មានកូនតទៅទៀត
• អ្នកនិងដៃគូអ្នកបានឯកភាពគ្នាថាឈប់ចង់បានកូនតទៅទៀត។​

ប្រសិទ្ធិភាព៖

វាមានប្រសិទ្ធិភាពស្ទើរតែ ១០០ភាគរយ គឺក្នុងចំណោមស្រ្តី ១០០០​នាក់អាចមានតិចជាង ៣ករណីប៉ុណ្ណោះ ដែលអាចមានផ្ទៃពោះ ព្រោះអាចបណ្តាលមកពីមានការវិវត្ត​ ឫ របូតនូវ មុខតំណដៃស្បូនដែលបានចង រឺកាត់នោះ ជាពិសេសនៅក្នុងអំឡុងពេល ៣ខែដំបូង ក្រោយពេលវះកាត់រួច។​

តែអ្នកត្រូវចាំថាវិធីនេះមិនអាចការពារអ្នកពីការចម្លងជំងឺកាមរោគផ្សេងៗបានឡើយ។ មានតែ ស្រោមអនាម័យប៉ុណ្ណោះ ជាជម្រើសប្រសើរ និងអាចការពារការចម្លង ជំងឺផ្សេងៗបាន។ 

ក្រោយ ការវះកាត់អ្នកអាចសម្រាកតែ ២ទៅ​៣ថ្ងៃប៉ុណ្ណោះ តែត្រូវជៀសវាងការលើក វត្ថុធ្ងន់ៗ ។ អ្នកអាចប្រឹក្សាយោបល់ជាមួយគ្រូពេទ្យបាននៅក្រោយវះកាត់រួច។ ការវះកាត់នេះអាចមានតម្លៃ រហូតដល់ទៅ ៦០០០ដុល្លារ។