ពិសាអ័យស្ទើរឆៅអាចប្រឈមមុខឆ្លង មេរោគ ណូរ៉ូវីរុស្ស

ការពិសា អ័យស្ទើរ និងលាសសមុទ្រអាចប្រឈមមុខនឹងមេរោគម្យ៉ាងឈ្មោះថា ណូរ៉ូវីរុស្ស (notovirus) ដែលអាចធ្វើអោយអ្នកឈឺចុកពោះ រាគ រកកលចង់ក្អួត និងពុល។ នៅក្នុងអ័យស្ទើរវាមិនត្រឹមតែអាចចម្លងវីរុស្សមកមនុស្សប៉ុណ្ណោះទេ តែក៏ជាប្រភពផ្ទុកនូវភ្នាក់ងារចម្លងមេរោគជាច្រើនផ្សេងទៀត។​

តាមការសិក្សាគេបានរកឃើញវីរុស្សចំនួនជាង ៨០% ច្រើនជាងនៅក្នុងខ្លួនមនុស្ស។ នេះបើតាមលោកសាស្រ្តាចារ្យ យ៉ុងជីវ៉ាង (Yonggie Wang) នៅសាកលវិទ្យាល័យ Shanghai Ocean University ក្នុងទីក្រុងសៀងហៃ។

ជាលទ្ធផលនៃការសិក្សាបង្ហាញថាមានវីរ៉ុស្សជាច្រើននៅក្នុងអ័យស្ទើរ និងមានលទ្ធភាពចម្លងទៅ កាន់មនុស្សប្រសិនបើគេចូលចិត្តពិសារឆៅ។

តាមការសិក្សាមុនៗបង្ហាញថា ក្នុងខ្លួនម​នុស្សមានមេរោគប្រមាណជា ៩០% ក្នុងចំណោមអ្នករស់ នៅតាមតំបន់ឆ្នេរ ។ វាអាចបណ្តាលមកពីកាកសំណល់លាមករបស់មនុស្សដែលបញ្ចេញចោល នៅតាមតំបន់ឆ្នេរ។

វីរុស្សអាសសំងំនៅក្នុងខ្លួនសត្វអ័យស្ទើរជាច្រើនសប្តាហ៍ក្រោយពេលឆ្លង បើទោះជាពួកវាមិន រស់នៅជិតតំបន់ឆ្នេរក្តី ។

ទោះជាយ៉ាងណាក្តី លោកគ្រូពេទ្យ វ៉ាង បានសំណូមពរអោយអ្នកដែលនិយមពិសារអ័យស្ទើរ គួរពិសារដោយចំអិនអោយបានឆ្អិនល្អ។


លទ្ធផលនៃការសិក្សានេះបានចុះផ្សាយក្នុងទស្សនាវដ្តីស្រាវជ្រាវ Applied and Environmental Microbiology។