តើផ្លែត្របែកជួយអ្វីខ្លះចំពោះសុខភាព!

ផ្លែត្របែកគឺជាប្រភេទផ្លែឈើតាមរដូវកាល ក្នុងតំបន់ត្រូពិច។ វាមានគ្រាប់តូចៗរឹងច្រើននៅ កណ្តាលផ្លែ។ ក្រៅពីរសជាតិផ្អែមឆ្ងាញ់និងក្លិនក្រអូបហើយនោះ ត្របែកក៏មានគុណសម្បត្តិផ្នែក សុខភាពជាច្រើនដូចជា៖ 

១. ធ្វើអោយប្រសើរដល់ប្រព័ន្ធការពាររាងកាយ៖ ផ្លែត្របែកសំបូរដោយវីតាមីន សេ ដែលអាចជួយការពារដល់ប្រព័ន្ធការពាររាងកាយ ប្រឆាំងនឹងបញ្ហារលាក និងឈឺសន្លាក់ឆ្អឹង។

២. កាត់បន្ថយអត្រាគ្រោះថ្នាក់ពីជំងឺមហារីក៖ ព្រោះវាមានសារធាតុជួយកាត់បន្ថយបញ្ហាដុះសាច់ ខុសប្រក្រតី ។ ក្រៅពីនេះវាសំបូរដោយសារធាតុ លីកូប៉ែន (lycopene) និង ប៉ូលីហ្វេណុល (polyphenols) ពិសេសជួយការពារការវិវដ្តន៏ទៅកើតជំងឺមហារីកសុដន់ ក្រពេញប៉ូស្តាត ស្បែក សួតនិងពោះវៀន។

៣. ប្រសើរសម្រាប់អ្នកមានជំងឺទឹកនោមផ្អែម៖​ព្រោះវាជួយបញ្ចុះកម្រិតជាតិស្ករ និងរារាំង មិនអោយកើតជំងឺទឹកនោមផ្អែម ។ ក្រៅពីនេះវាមានអាហារកាកសរសៃច្រើន ជួយទប់ លំនឹងកម្រិតជាតិស្ករ។

៤. កាត់បន្ថយភាពចាស់នៃស្បែក៖ សារធាតុរ៉ាឌីកាល់សេរី អាចធ្វើអោយស្បែកជ្រួញនិងឆាប់ចាស់ ។ ដូច្នេះបើអ្នកបានពិសារផ្លែត្របែកញឹកញ្ាប់ វាអាចជួយផ្តល់វិតាមីន អា និង សេ និងប្រឆាំង សារធាតុរ៉ាឌីកាល់សេរីជួយកាត់បន្ថយសភាពចាស់នៃស្បែក។​

៥. បង្កើនសុខភាពបេះដូង៖ តាមការសិក្សានិងលទ្ធផលចេញផ្សាយក្នុងទស្សនាវដ្តី Journal of Human Hypertension បានអោយដឹងថា ផ្លែត្របែក ជួយទប់លំនឹងសារធាតុ សូដ្យូម ប៉ូតាស្យូមក្នុងរាងកាយ​និងទប់លំនឹងសំពាធឈាម ជាពិសេសចំពោះអ្នកជំងឺ លើសឈាម។ ក្រៅពីនេះ វាក៏ជួយបន្ថយកម្រិតកូឡេស្ទេរ៉ូល និង ទ្រីគ្លីសេរីត បានក្នុងកម្រិតមួយទាបផងដែរ។

៦. ជួយបន្ថយបញ្ហាទល់លាមក៖ ផ្លែត្របែកមួយផ្លែអាចបំពេញបាន ១២%នៃអាហារ ប្រចាំថ្ងៃដល់រាងកាយ ជាពិសេសនោះវាអាជួយសម្រួលបញ្ហាទល់លាមកបានប្រសើរ បំផុត។

៧. ជួយចក្ខុប្រសាទ៖ បើទោះជាវាមិនសំបូរវីតាមីន អា ដូចក្នុងផ្លែការ៉ុតក្តី ត្របែកនៅ តែជាជម្រើសមួយដ៏ប្រសើរព្រោះវាមានផ្ទុកវីតាមីន អា ខ្លះដែរ ជួយដល់ចក្ខុប្រសាទ និងកាត់បន្ថយបញ្ហាជំងឺខ្វាក់មាន់។

៨. ល្អសម្រាប់ស្រ្តីមានផ្ទៃពោះ៖ សារធាតុអាស៊ីតហ្វូលីក វីតាមីន B9  ក្នុងផ្លែត្របែក អាចជួយដល់ការវិវដ្តន៏ប្រព័ន្ធប្រសាទទារកក្នុងផ្ទៃចំពោះស្រ្តីមានផ្ទៃពោះ និងកាត់បន្ថយ បញ្ហាកូនកើតមិនគ្រប់លក្ខណៈ។​

៩. ជួយបន្ធូរភាពតានតឹងក្នុងអារម្មណ៍៖ ជាតិម៉ាញ៉េស្យូមក្នុងផ្លែត្របែក ជួយបន្ថយភាព តានតឹងក្នុងអារម្មណ៍និង សម្រួលចលនាសាច់ដុំ ។ ដូច្នេះបើអ្នកច្រើនមានបញ្ហាស្រ្តេះ ខ្លាំង អ្នកគួរសាកល្បងពិសារផ្លែត្របែកហើយ។

១០. ល្អសម្រាប់សុខភាពខួរក្បាល៖ ខួរក្បាលគឺជាសរីរាង្គសំខាន់មួយនៃរាងកាយ ហើយការថែរក្សាវាអោយមានសុខភាពល្អគឺជារឿងចាប់បាច់ ។ វីតាមីន B3 និង B6អាចជួយសម្រួលចលនាឈាមរត់ទៅចិញ្ចឹមខួរក្បាល និងធ្វើអោយ ខួរក្បាលមាន សុខភាពល្អ។

១១.កាត់បន្ថយបញ្ហាឈឺធ្មេញ៖ ចំពោះស្លឹកត្របែកវិញ អាចយកទៅព្យាបាលអាការៈ ឈឺធ្មេញបានប្រសើរបំផុត ។ ក្រៅពីនេះវាក៏ជួយការពារបញ្ហារលាកអញ្ចាញ និងជួយ កម្ចាត់បាក់តេរីក្នុងមាត់ ។