ផលប្រយោជន៍ផ្លែជម្ពូចំពោះសុខភាព

ផ្លែជម្ពូគឺជាប្រភេទផ្លែឈើដែលមានរាងដូចកណ្តឹង និងអាចពិសាបានទាំងក្នុងអាហារចានពិសេស បង្អែម និងធម្មតា។ បើទោះជាមានការសិក្សាតិចតួចទាក់ទងនឹងគុណប្រយោជន៍ផ្នែកសុខភាព នៃប្រភេទផ្លែឈើនេះ ក៏មានការសិក្សាមួយចំនួនបានង្ហាញពីគុណសម្បត្តិរបស់វាដូចខាងក្រោម៖

១. ប្រភពសំបូរដោយអាហារូបត្ថម្ភ៖

ផ្លែឈើនេះមានផ្ទុកវីតាមីន C អាហារកាកសរសៃ វីតាមីន A កាល់ស្យូម ស៊ុលភួ ជាតិដែក ប៉ូតាស្យូម និងសារធាតុអាស៊ីតសំខាន់ៗមួយចំនួនចំពោះសុខភាព។

២. ទប់ស្កាត់ជំងឺទឹកនោមផ្អែម៖

សារធាតុ ជេមបូស៊ីន (Jambosine) គឺជាសារធាតុអាល់កាឡូអីុតមួយប្រភេទជួយរារាំងនិងទប់ លំនឹងកម្រិតជាតិស្ករ ដែលផ្តល់ផលប្រសើរសម្រាប់អ្នកមានជំងឺទឹកនោមផ្អែម និងកាត់បន្ថយ អត្រាឈានទៅកើតជំងឺនេះ។

៣. សម្រួលប្រព័ន្ធរំលាយអាហារ៖

ភាពសំបូរនៃអាហារកាកសរសៃក្នុងផ្លែជម្ពូ ជួយសម្រួលផ្លូវរំលាយអាហារដំណើរការប្រក្រតី ជាពិសេសប្រព័ន្ធរំលាយអាហារ។​ លើសពីនេះ វាក៏ជួយដោះស្រាយបញ្ហាទល់លាមក និងជំងឺ រាំរ៉ៃមួយចំនួន។ ផ្លែជម្ពូក៏ជាថ្នាំបែបបុរាណសម្រាប់ព្យាបាលជំងឺផងដែរ ជាពិសេសគ្រាប់របស់វា អាចជួយការពារជំងឺរាគធម្មតា និងជំងឺរាគមួរ។

៤. ការពារជំងឺមហារីក៖

សារធាតុសរីរាង្គសកម្មក្នុងផ្លែជម្ពូ រួមជាមួយនឹងវីតាមីន C និង A អាចជួយបង្ការមិនអោយកើត ជំងឺមហារីក និងទប់ស្កាត់ការរីករាលដាលនៃជំងឺនេះបាន។ តាមការសិក្សាពីមុនបានបង្ហាញអោយ ដឹងថាជំងឺមហារីកក្រពេញប្រូស្តាត និងមហារីកដោះ អាចកាត់បន្ថយអត្រាប្រឈមបាន ប្រសិនបើគេពិសាផ្លែជម្ពូជាប្រចាំថ្ងៃនោះ។

៥. កម្ចាត់ជាតិពុល៖

អស់រយៈពេលរាប់រយឆ្នាំមកហើយ ជម្ពូត្រូវបានគេយកទៅប្រើក្នុងការផ្សំថ្នាំ ជាពិសេសជួយ សំអាតជាតិពុលចេញពីថ្លើម និងតម្រងនោម។ លើសពីនេះវា ក៏ជួយបង្កើន ប្រសិទ្ធិភាព នៃការការំលាយអាហារបានផងដែរ។

៦. ទប់ស្កាត់កម្រិតកូឡេស្ទេរ៉ូល និងជំងឺបេះដូង៖

សារធាតុអាហារកាកសរសៃនិងអាហារូបត្ថម្ភផ្សំគ្នាក្នុងជម្ពូ ជួយយ៉ាងមានប្រសិទ្ធភាពក្នុងការកាត់ បន្ថយកម្រិតកូឡេស្ទេរ៉ូល និងឈានទៅកាត់បន្ថយផលលំបាកពីជំងឺបេះដូងផ្សេងៗ ដូចជាជំងឺដាច់ សរសៃឈាមបេះដូង និងជំងឺស្ទះបេះដូង។

៧. ពង្រឹងប្រព័ន្ធការពាររាងកាយ៖

សារធាតុសកម្មក្នុងផ្លែឈើប្រភេទនេះអាចជួយប្រឆាំងនឹងមេរោគប្រភេទផ្សិត និងមីក្រុបផ្សេងៗ ដ៏មានប្រសិទ្ធភាព។ វាជួយការពារស្បែកមិនអោយកើតជំងឺផ្សេងៗ បង្កើនថាមពល និងប្រព័ន្ធ ការពាររាងកាយប្រឆាំងទៅនឹងជំងឺផ្សេងៗ។