Toyota បង្ហាញរថយន្តថ្មី ម៉ូឌែល Prius ឆ្នាំ ២០១៦

ក្រុមហ៊ុន Toyota ថ្មីៗនេះបានបង្ហាញរថយន្ត Model Prius 2016 ជាផ្លូវការហើយនៅក្នុងពិធី ពិពណ៌មួយក្នុងរដ្ឋ ឡាសវេហ្គាស។ នេះជាជំនាន់ទី ៤ហើយសម្រាប់ម៉ូឌែលប្រភេទ អីុប្រ៊ីត Prius​(ប្រើសាំងនិងថាមពលអាគុយ) ។ វាមានរូបរាងប្លែកជាងមុន និងសន្សំសំចៃប្រេងរហូតដល់ទៅ ១០% លើសពីម៉ូឌែលមុនៗ។​

បើតាមសេចក្តីប្រកាសពត៌មានរបស់ក្រុមហ៊ុនបានអោយដឹងថាចំពោះម៉ូឌែលឆ្នាំ ២០១៥វិញ វាប្រើថាមពលសាំង ៣,៧លីត្របើកបរបានចំងាយ ៨២គីឡូម៉ែត្រក្នុងទីក្រុង។ ដូច្នេះសម្រាប់ ម៉ូឌែល ២០១៦គឺអាចកាត់បន្ថយសាំងបាន ១០%ប្រសើរជាងមុន។  

ទោះជាយ៉ាងនេះក្តីសម្រាប់ម៉ូឌែល ២០១៦ ត្រូវបានផ្តោតការយកចិត្តទុកដាក់ទៅលើការរចនា រូបរាង និងបំពាក់បច្ចេកវិទ្យាថ្មីៗ ដូចជាប្រព័ន្ធគេចអ្នកដំណើរលើផ្លូវដោយស្វ័យប្រវត្តិ ប្រព័ន្ធ បើកបរល្បឿន លឿនដោយស្វ័យប្រវត្តិ កម្លាំងទប់លំនឹង ឌីណាមិច និង ប្រព័ន្ធសុវត្ថិភាព ផ្សេងៗ ជាពិសេសវាអាចឈប់ដោយខ្លួនឯងនៅពេលមានការកកស្ទះ និងបន្ថយល្បឿននៅពេលជិតទៅ ដល់ភ្លើងស្តុប។

គេសង្ឃឹមថារថយន្តថ្មីរបស់ Toyota ថ្មីនេះនឹងក្លាយជាដៃគូរប្រកួត ប្រជែងយ៉ាងសំខាងន់ ទៅនឹងប្រភេទរថយន្ត EVs (Mirai) និងរថយន្តដែលប្រើអីុដ្រូហ្សែនមួយចំនួន។ ហើយវាក៏មានតម្លៃថោកជាងរថយន្តរបស់ Tesla និង Mirai ផងដែរ។​

គួរបញ្ជាក់ថាក្រុមហ៊ុនអាចលក់រថយន្តម៉ូឌែល Prius របស់ខ្លួនបានក្នុងចំនួន ១៥ទៅ ២០ម៉ឺនគ្រឿងក្នុងមួយខែៗគឺច្រើនជាង Kia Soul, Mazda 3, Subaru Impreza និង Volkswagen Jetta។

Prius 2016 នេះមានប្រវែងបណ្តាយវែងជាងមុនក្នុងទំហំ ២,៤អីុង  ទទឹង ០,៦អីុង និង០,៨អីុងមានកំពស់ទាបជាងមុនបន្តិច។